東京生活比香港貴？

我的學生Ｅ，去了日本後，覺得香港人對日本，有一定的誤解。比如，這些：

人人都話日本生活貴過香港。其實大錯特錯！

日本經濟冇增長，通漲遠低於香港，而香港通漲強勁，加上日圓貶值，日本的物價已經同香港差唔多！（但仍然我覺得有d野好貴！）而家我每月所花的生活費其實同係香港差唔多！從衣、食、住、行四方面看：

衣：有Uniqlo, H&M, GAP, ZARA!售價同香港差唔多！最正ge係有香港冇，又平design又唔錯的g.u. XD

食：如果你去日本旅行，買野飲，買野食去便利店掃貨就當然貴！人人都話日本便利店好正，好多野賣，但我除非好緊急需要用，否則都好少去便利店。通常我去ドンキホーテ（即係有隻企鵝個間好鬼平的supermarket）同100yen店。係個度，for example, 便利店賣130~150yen左右的500ml飲料用98yen就買到！相同價錢可以買到2L的！便利店150yen的杯麵100yen就可以買到！計返其實同香港差唔多！

出街食，500yen去食牛肉飯可以食好飽，係香港去大家樂37蚊晚市一個飯都食唔到...

住：而家住share house 73000yen一個月，雖然要共用廁所同浴室，但水電全包！價錢同香港劏房差唔多，但環境比劏房好100倍！

行：搭車的確係最貴的！但學生可以買通學卷，係自己屋企至學校的站平d之外，途中任何一個站落車都係唔使再買飛！（一次過俾3個月的車費，然後你的8達通上會入左你的通學卷，途中任何一個站落車都唔會扣錢！）如果經過新宿，渋谷等旺的地方會慳好多！但最好當然好似我咁，住係離學校步行3分鐘的地方！又慳錢又慳時間！XD

最重要係，日本人工比香港高好多！而家東京普遍兼職一個鐘都有1000yen!比香港高差不多一倍！最低工資800yen都高香港一倍！

所以物價一樣，人工高一倍，從錢黎睇，係日本生活已經比香港容易！

唔係只係我講，統計都出左!

＊＊＊＊＊

難怪，我的朋友都在香港維持最低的生活水準，去日本才爆買豪食消費了。

查看原始文章