日本妹係點媾的 #003：約會地點實戰篇

上一篇出左後收到好多讀者的意見，多謝大家的閱讀同支持！

睇完上次的跟日本女生交往的缺點篇都仲想唔想溝日本妹？做好心理準備的話就請繼續追落去！

▲圖片出處，當然會告訴你這地方在那兒～

如果有機會黎日本第一次date日本妹，相信大家都會有一個問題：點揀餐廳約會？

呢樣野係日本係一門好高深的學問，唔係一味貴同豪華就得，第一次出街去邊度食飯完全表現出男人的sense。

試諗下你只係同佢傾過幾次計，第一次同人出街，你帶人去高級餐廳，又準備花，準備曬禮物又聖咁，對方會以為你迫佢，利誘佢上床，一定嚇死佢！

毒男最忌就係太認真，第一次就好俾心機準備好多野。其實簡簡單單就ok。你甚至可以咩都唔準備，當日同佢見面時先斯斯然拎部smartphone出黎，睇佢當日心情一齊搵地方食飯。（我試過，係work的lol）

有人會覺得咁做冇咩主見。當然咩都唔做，交曬俾對方揀就真係好冇主見，而且俾對方感覺你嫌麻煩。我的做法係俾2,3個選擇出黎，收窄範圍等佢揀。如果佢全部選擇都唔鐘意，你就問佢拎idea。記住唔好一句就問佢到底想食咩，又或者直接問「咁不如食呢樣呀」，因為佢真係唔知自己想食咩同想去邊度食！你可以問佢想食清淡d定濃味d，想食肉定食菜，食唔食辣野，想搵個咩氣氛的地方等等，然後你再俾幾個選擇佢揀。咁樣show到你尊重佢之餘，又製造到一齊搵地方食飯又留下sweet的記憶，仲show到你係善解人意！一舉三得！

我知道唔係人人都接受到唔plan就做野。要plan的話首先要整理一下自己的感情同想法，了解你係對佢係有咩感覺。只係諗點樣得到佢，完全冇諗過自己，咁就算俾你約到佢出黎，你都唔可以盡興，而且都唔會有下次。所以了解對手之前，首先要了解自己。

如果你只係對佢有好感，唔係幾肯定自己係唔係鍾意佢，想由親密朋友開始，就可以揀間乾乾淨淨，無咁雜的causal連鎖居酒屋。大家可以係一個輕鬆的氣氛傾計，了解對方。之前都講過日本人第一次出街大多數都係AA制，女生見唔會太貴，又causal通常都會赴約。

如果你想同佢開始的話，就梗係搵一間中等價錢，有d品味的「bar檯」餐廳！「Bar檯」係呢個位好重要！只有Bar檯先俾到你同佢有親密距離！仲要飲住wine，盡量show你有幾charming得幾charming！

如果以結婚為前提認真交往的話，就真係揀一間高級餐廳，show俾對你係一個「大人」，有成熟表現又有經濟能力。但記住無論你決定去邊間餐廳都好，唔使準備什麼禮物，surprise！咁做只係俾人覺得你太過認真！唔敢同你交往。

決定左點做之後，剩下落黎的就只有做。睇下對方有咩反應。我覺得對方係呢一步唔鐘意，甚至討厭你的做法的話，再落去都冇咩意思。盡快搵過另一個好過。（其實我第一次約會係只會用第一種方法搵餐廳的人。如果對方唔鐘意我都覺得冇癮，唔會再繼續落去。）

下次講下，第一次約會之後，點樣做先會有下一次。

P.S. 周末到大阪見女朋友，下次係幾時？唔……下次出現既時候，你就知係幾時囉。（你唔會話畀腦細知，我三個星期冇出過文架呵？）

$159 IDEA-簡約風三格桌面收納盒 2% 松果購物

$458 日本【idea-auto】馬卡龍香氛劑4入(香味隨機出貨)(... 1.5% 蝦皮商城

$897 皮膚包超輕戶外登山包 可折疊男女便攜防水輕便雙肩包旅行包 B... 0.5% Yahoo奇摩超級商城

$499 【IDEA】木質鐵藝多功能 雙層首飾架 化妝台收納盤 附掛鈎... 0.5% Yahoo奇摩超級商城

$5178 碎冰機 麥子廚房家用雪花綿綿冰機碎冰機刨冰機冰沙機商用刨冰機... 0.5% Yahoo奇摩超級商城

$6800 【結帳加碼折】英國SodaStream-電動自動扣瓶氣泡水機... 小偉日系

$6990 Sodastream 電動式氣泡水機 Spirit one ... 0.5% Yahoo奇摩超級商城

$65700 【KYMCO光陽】X-SENSE 125機車，限時9.1折，... 2% 生活市集

$1990 ONE amadana 觸控薄型電磁爐 STCI-0105 2% myfone購物

$349 E-sense 寶貝夾扇 22-UFC201 0.5% Yahoo奇摩超級商城