日本妹係點媾的 #004：終於都埋牙實戰

上一篇決定左去邊，約到你對象出去後，就講下同佢date時要點做啦！

注意距離感

其實第一次date的過程可以話係試佢有幾接近你，對你點睇。正所謂「身體最誠實」，呢樣野冇得呃。

要知道佢對你點諗，就要嘗試接近佢，睇下佢有咩反應。

尤其係對他人特別感度高的日本人，對異性的距離好在意。一試就好易明白佢對你的印象係點。例如去移動途中嘗試行埋一d，如果佢冇避，咁即係佢對你有唔錯的印象。如果佢避都唔使灰心，佢可能只係shy。只要俾d時間傾多兩句，傾到有講有笑，等佢放低戒心你再試接近佢。有女近到對波貼到埋黎都唔介意。（呢個時侯當然係不負所望，順勢攬佢條腰啦！如果唔係做男人的我覺得好衰lol）但有時試左成晚都係冇進展。係咁的話就冇下次。因為接近佢都抵抗的話，基本上係從一開始就冇可能（日文係「生理的に無理」），我就唔會再曬時間，搵個另一個。

要去到幾近先叫做有戲，真係好睇你鐘意咩性格的日本妹同你自己的性格。有心理學研究話係15cm。我就覺得近到你同佢有肩擦肩，有可以hide到佢隻手，可以捉到佢隻手的範圍就有機會。不妨回想一下自己同異性的距離同佢的關係，比較一下就搵到個距離感。（首先你要有...）

唔好請佢食飯

下？真係咁？

係，我講多一次「唔好請佢食飯」！

不厭其煩再講一次，千萬唔好一黎就請佢食飯！除非你係做緊野有收入，而對方係學生冇收入 or 你係社長有幾千萬身家，有明顯金錢優勢，否則咁做真係好核特。日本妹覺得你明明同佢同一個status，但要勉強請佢食飯，俾人「做咩啫你」的感覺。

日本人會更加會覺得你要佢受你恩惠，好似要佢還，想係佢身上邊拎返d野咁，所以死都唔好咁做！

但你要表現紳士風度的話可以點做呢？你可以俾大部分的錢等佢俾小部分。For example，張單係7000円的話，你可以話冇散紙，拎張5000円出黎俾，等佢俾剩返的2000円。當然佢會俾返找錢你，你就梗係話唔使啦！呢個時侯，如果佢主動話「咁留返下次啦」或者「下次我俾啦」，咁你得米啦！佢想同你有下次呀！

表現gentlemen

運用你係外國人的優勢。識日本manner的同時再加上你獨有外國人的附加價值。表現出你受過英國教育，擁有紳士風度。主動為女性開門對你黎講係自然動作。移動途中會注意佢的安全，多人的地方會不其然用身體保護佢。好多日本男人都仲係不知覺地大男人主義，好少日本男人會注意到呢d位。你做到當然就梗係俾佢加分啦！但做的同時要注意日本人的暗示的藝術，做得太明顯就同請佢食飯一樣，俾佢"做咩啫你”的感覺。

日本妹有好多小動作去暗示佢想點，第一次約會就係要留意佢的小動作同暗示了解佢點諗。如果唔注意呢d clue，你會錯過好多機會！所以有意識地留意佢的一舉一動好重要！

如果第一次date有唔錯的反應，想知點先date到佢第二次，就要留意下一篇！

查看原始文章