【東京散歩】森林公園

日本好天氣持續，放假得閒無事既我去左一個比較偏僻既地方：森林公園。

呢一個公園，係由一個居住日本多年既香港人日本太太告訴我，森林公園雖然有點遠，係一個非常非常大既地方，得閒可以同佢既小朋友一齊去。

後來幾位朋友突然和我說想郊遊，我自然地彈出左森林公園呢幾個字。因為我住池袋，而森林公園係呢個東武東上線既終點站，坐過去亦只係大概一個小時多一點，橫掂都係，就襯今次機會去望望。

▲望一望個Google Map發覺已經去到埼玉再遠一段距離既地方...

然而去到既時候見到成個地方乜都冇，明明個車站名叫做森林公園駅，但說好的森林公園呢？

 ▲原來去到仲要搭巴士先去到.....（等左約15分鐘先有車）

▲車站附近唔好話人，連車都唔多架...

▲落左車之後，大概仲要行個10分鐘。途中見到呢塊牌朋友立即吐嘈：埼玉1日既泊車價錢同東京既10分鐘同價.....

▲差唔多去到公園門口時，外面有單車租借服務（兩架？）。

▲幾經辛苦終於都去到森林公園。同門外極度零清既環境比較，入面有番少少人，有Ｄ帶狗狗黎一齊散步。

▲因為原本我地都係打算黎行下散下步，所以好隨便咁就行左入去。但發覺公園真係大得好離譜，行極都仲有既時候，上網望一望地圖：

▲先知原來公園既大比想像中誇張好多，有大約65個東京巨蛋。

▲不過我地都係照樣繼續行，另外森林公園除咗一般有整頓既路之外，仲有好似呢種未整頓既路行。

 ▲行行下會發現有呢種牌，寫住：呢條係中世紀嘅時候，連結城市與城市之間，例如鎌倉，小田原等等既城市既道路。 另外呢條係有好多出名既武士都行過嘅古道。原本行過既時候都已經唔會見到有車或者大廈，所以見到佢咁樣講一講立即多左一種古代既感覺。笑

▲一眼望落去，除左樹都係樹。

▲繼續行約半個鐘後會去到一個非常大的廣場，一路上都只係見到過幾個途人，完全冇諗過會有個地方有咁多人，而且有好多小朋友。

小朋友既目標好多都係呢個：大型跳彈床。另外仲有好多唔同既活動，例如有人練馬拉松，踩單車等。

▲日本會有人帶貓貓出黎散步。

▲回程時見到日本既狗廁所，中間支野用黎．．．小便？

▲方圓十里都冇高樓大廈

在東京居住既其中一個好處係，有時候就算忍受唔住毎日番工既壓力，擠逼既車廂，可以去下呢種完全脫離塵俗既地方。

$98 簡便型車前架-自行車用可加裝菜籃或置物袋[35008010]... 1.5% 蝦皮商城

$199 【JIS】B095 自行車壁掛架 展示架 掛壁架 掛車架 單... 0.5% Yahoo奇摩超級商城

$15726 越野山地車男女變速單車學生自行車成人用超輕減震青少年賽車 汪... 0.5% Yahoo奇摩超級商城

$80 輕快風生活館 沙茶香菇飯85g 乾燥飯 速泡飯 沖泡飯 登山... 1.5% 蝦皮商城

$268 NUCKILY 騎行單車 路跑 三鐵 馬拉松 無縫式全包覆 ... 1.5% 蝦皮商城

$284 關於單車，我說的其實是…… 1.5% 蝦皮商城

$25 【aife life】萬用魔術頭巾/防風面罩/單車面罩/圍巾... 3% 台灣樂天市場

$31 【防風面罩】套頸式口罩 騎車保暖面罩 單車口罩 滑雪遊戲護臉... 0.5% Yahoo奇摩超級商城

$329 創意生活系列-相思單車 大尺寸高級創意壁貼 / 牆貼 A-2... 2% myfone購物

$1280 DIVOOM Airbeat-10 腳踏車專用 藍芽喇叭 戶... 0.5% Yahoo奇摩超級商城