Holiday,我真係好愛你。
難得有假期,小廢青當然又返鄉下順便逃離腦細魔爪,而今次選擇去嘅就係未踏足過嘅土地-南鹿兒島。
伸春鹿兒島之旅首個落腳點就是指宿。
指宿對好多香港人嚟講,可能唔算係一個熱門景點。其實指宿距離鹿兒島中央只需要1個幾鐘車程,所以同真正嘅「市區」都唔會相隔太遠。
如果覺得山卡啦地方冇嘢好玩嘅就大錯特錯。當局深明發展旅遊業係當地今後一大課題,所以近年已經大力向外推廣指宿嘅魅力,尤其係積極各種可以畀遊客親身感受當地魅力嘅體驗活動,再加上出年首播嘅NHK大河劇都會喺到取景,因此我有理由相信指宿市喺嚟緊呢幾年會成為非常受外界注目嘅南九州地區之一!
回正題。
是咁的,小廢青降落鹿兒島機場再搭咗個幾鐘車之後,終於嚟到行程第一站嚟到「竹山」。
「竹山」呢個名可能聽上去平平無奇,但若果提到佢嘅別名-「スヌーピー山(Snoopy山)」嘅話,大家會唔會有返啲興趣?
「Snoopy山」顧名思義,就係一座外型非常近似Snoopy嘅山,只要離遠少少望再加少少想像力,座山就會好似一隻仰臥緊嘅Snoopy(好似係)。相傳呢個名仲係由著名高爾夫球選手Tiger Woods命名,但亦有人話只不過係當地人嘅約定俗成叫法,無論如何,都係一個暱稱啫。
先唔理個名點嚟,大家都係繼續睇景啦。
座落喺Snoopy山旁邊嘅,就係玉手箱溫泉。連續3年獲TripAdvisor選為日歸溫泉全國第1位嘅玉手箱溫泉,當然唔係一般溫泉貨色。呢度最煞食嘅就係遊客可以一邊浸溫泉一邊欣賞一望無邊無際嘅碧海汪洋!!!溫泉同大海連成一線,令人差啲仲以為自己處身茫茫大海!如果係日落時分嚟就更加冇得輸,無遮無擋嘅景觀下,一人獨享夕陽美景機會是屬於你的。但朝早或中午時分嚟都已經好靚。
玉手箱溫泉
網址:http://www.seika-spc.co.jp/healthy/?page_id=337
▲行遠少少可以影到「煙燻Snoopy」
如果想一邊浸溫泉一邊J Snoopy嘅話,玉手箱溫泉會係非常適合你嘅選擇。
但如果想用相機收服全隻Snoopy的話,就需要去到遠少少嘅地方喇。
(除咗似Snoopy之外,亦有一說係話山頭同猩猩都有幾分相似,但我睇咗好耐都睇唔出,sor。)
▲「煙燻Snoopy」攝於前往下一站中途會經過嘅「山川製鹽工場跡」旁,即舊時用溫泉熱出產海鹽嘅鹽田舊址。
浸完玉手箱溫泉唔夠喉嘅話,仲可以去埋隔離嘅「砂むし温泉砂湯里」。
距離玉手箱溫泉只係5分鐘路程嘅「砂むし温泉(砂蒸溫泉)」係全國少有嘅溫泉種類,唔係處處都可以體驗得到。
呢度最出名最有特色嘅就係「砂浴」,被譽為世界十大奇泉之一嘅砂浴,係用攝氏大約55度嘅高溫熱砂鋪滿你全身,等你由上至下瞬間血氣運行,只需10~15分鐘就可以達至美顏美肌、紓緩全身疲勞嘅效果。
砂浴位置啱啱好就係大海隔離,難得嚟到指宿,就當然唔好錯過「冰(迎面海風)、火(熱砂)」雙重享受。
砂むし温泉砂湯里
網址:http://www.seika-spc.co.jp/sayuri/
▲有哂圖有哂英文解說,唔洗驚唔識玩。
▲砂蒸溫泉效用:增加血液循環、藉體溫上升排出體內有害物質、有助治療神經痛腰痛發冷更年期症狀等等。
▲出賣朋友系列之識玩一定玩埋泥漿美容敷面。
▲浸完砂浴,不妨食埋番薯同溫泉蛋先走人。只賣50yen,抵食。
#1完。
封面送上日落景一張。
查看原始文章
延伸閱讀
小編推薦
- 手殘女這個沒理由失敗!14款指甲配色,跟著塗起來就有同一樣的效果~
- 單眼皮,內雙眼皮一樣能化出嫵媚感!輕透的技巧,化出秀智一般的女神眼妝
- 女生注意!6種令男生超反感的行為,不想被分手就千萬不要對你的另一半做~
- 櫻花妹子要瘋掉啦~蜷川實花「夏季限定浴衣」,帶你踏進花花世界 !
- 懶女人必學!睡前10分鐘輕鬆減肥~韓妹瘦身減肥「7大秘招」大公開!
- 綁馬尾後額頭好像變成沒頭髮?韓妹子教你這一招~輕鬆變成豐髮妹子了!
- 飲食才是最重要的~學會從挑選食物開始,吃成易瘦體質,不要讓自己復胖~
- 第一印象很重要!女生「首次約會必勝攻略」~男生其實都在偷偷觀察這些!
- 讓臉型決定「瀏海」的剪法,盤點7種臉型適合的瀏海造型~假小臉造型就靠它了!
- 新鮮製草莓牛奶和各種夢幻甜點,這絕對是讓草莓控瘋狂的天堂~
- 走在時尚的尖端反而讓男生有壓力~「4個約會穿搭術」讓你好感度UP!
- 只剩下一個月讓你瘦啊~4個動作,一定要把藏不了的腿瘦下來!
- 原來「無重飄浮照」是這樣拍!找到這些重點,以後就不會跳得超級喘氣啦~
- 別的女生都在送朱古力?你就特別一點DIY「水晶琥珀糖」吧!保證男生的心都被你牽走~
- 吃貨們想要吃不胖嗎?「豆漿」原來也是瘦身聖物 ~ 減重、養顏、還能抗癌喔!
- 不要到夏天才後悔!韓國女生都最想瘦下來2個部位,跟著她們一起瘦下來吧~
- 不能吃的黑森林~這個是人仙境一般的秘境,讓你置身於童話故事般的美景~
- 沒有特別計畫也挺酷的!淡水的悠閒咖啡店,「抹茶蛋糕」讓你找到濃郁幸福感
- 間條衫不會顯胖啦!4個穿搭方法,跟鬼鼠肉說拜拜,還可-3kg!
- 好男人總是別人的?4個徵兆代表你的他其實是極品男人,千萬不要放生啊~